Die jare tussen ons (EBOEK)
Sedert ek kan onthou, is ek lief vir stories – om dit te lees, te skryf en daarna te luister. As jong meisie het ek gedroom om 'n Predikant en Christelike skrywer te word. Die lewe het egter 'n ander pad geloop, en ek het aanvanklik Ingenieurswese aan TUKS studeer. Maar God het my teruggeroep na my oorspronklike droom. Op die ouderdom van dertig het ek gehoor gegee aan ’n sterk roeping na die bediening en aan die Noordwes-Universiteit Teologie begin studeer.
Vandag dien ek met oorgawe as pastoor en berader by Prisma Gemeente in Wonderboom, Pretoria. My passie lê daarin om na mense se stories te luister en hulle te begelei na genesing en hoop. Dit is juis die verhale van mishandelde vroue en kinders wat my geïnspireer het om my eerste Christelike roman te skryf. Hierdie boek, wat uit my hart gevloei het, het my onbeskryflike vreugde verskaf, en ek weet verseker dat dit nie my laaste sal wees nie.
Ek is al sewentien jaar gelukkig getroud en die trotse ouer van vier kinders. My gesin is my grootste seën en inspirasie, en my geloof is die fondament van alles wat ek doen. Ek glo dat stories die vermoë het om mense se lewens te verander en lig in donker plekke te bring – en dit is die missie wat ek met elke woord nastreef.
R247,00
In voorraad
ISBN
9781779880550
Formaat:
EPUB
Publikasie datum:
2025-04-01
<p>Elaine vlug weg van haar verloofde, Alex, sonder enige verduideliking. Haar geheim bly haar eie want sy glo as Alex ooit moet uitvind sal dit sy lewe ruïneer, en daarvoor het sy hom té lief. Sy het geen keuse as om Ben van Staden, die rykmanseun van Bloemfontein, se aanbod te aanvaar nie ... Die jare wat volg is verwonde jare gevul met vrees en verwyt. Elaine<br>verloor haar geloof in ’n liefdevolle God en dit is net haar ongesonde verhouding met wyn wat haar help om soms van al die seer in haar binneste te vergeet. Maar haar liefde vir Alex bly ’n brandende vuur wat nie geblus kan word nie. Skielik, ná soveel jaar, staan Alex weer voor haar en begin sy weer glo dat God dalk alles tog ten goede laat meewerk vir die wat Hom liefhet. Maar, sal Alex haar ooit kan vergewe vir die onreg wat sy hom aangedoen het?</p>
| Publikasie Datum | 01 Apr. 2025 |
|---|---|
| Formaat | EPUB |
| Skrywer | Jozine Botha |
Skryf jou eie resensie
Meer Deur Jozine Botha
